Á vorönn árið 2000 komu þrír listamenn til starfa við Austurbæjarskólann á vegum menningarborgarinnar M 2000. Meðal þeirra var Þórður Helgason, rithöfundur. Afraksturinn af vinnu hans með nemendum unglingadeildar var ljóðabókin Ljóð 2000. Hér fara nokkur sýnishorn úr bókinni:

 

 

 

                                                                                                                                                                                                                                                                                                                                                                                                                                                                                                                                                KENNARAR

 

Ég elska kennarana mína

Nínu og Guðrúnu

af því að þær kenna mér

að lesa og skrifa á íslensku.

 

Ég fer aftur til Kosovo

en ég gleymi aldrei

kennurunum mínum

Nínu og Guðrúnu.

 

Labinota Morina

 

 

SKÓLI 

I

Á vetrardegi

í myrkri og kulda

má heyra

barnahróp

og barnahlaup

óma um tóma ganga.

Lærdómur og viska fylla

alla

þessa

löngu

löngu

ganga

Kennarar með harðri hendi

leiða börnin inn í

ljós viskunnar 

og þau ljóma.

 

II

Þakka þér fyrir visku þína.

Þakka þér fyrir bækur þínar.

Þakka þér fyrir orð þin.

Þakka þér fyrir framtíð mína.

 

Berglind Ósk Einarsdóttir

 

 

 MYND

 Ég horfi á mynd af þér

þar sem þú heldur á mér í fanginu.

Allt í einu finn ég lyktina af þér

heyri rödd þína

og man staðinn þar sem þú geymdir

nammipokann.

 

Sigrún Þorsteinsdóttir

 

 

AFI

Ég þekkti þig aldrei.

Samt finnst mér eins og 

þú kannist við mig.

Þegar ég dey

óska ég þess

að ég fari til þín

á himnum.

 

Naomi Lea Grosman

 

AUMINGJAR

Hverjir eru þeir? Eru það þeir sem stija og bora í 

nefið og eru ekki að gera neitt? Nei, það eru

letihaugar. Eru það þeir sem eru þöglir og skipta sér

ekki af neinum meðan þeir vinna? Nei það er

einmana fólk. Eru það þeir sem stríða öðrum og 

berja? Já, þeir eru aumingjar. Hinar sönnu hetjur eru

þeir sem þola það

 

Hafsteinn Tómas Sverrisson

 

 

ÉG

er bara ég

en ekki einhver annar

hvernig sem ég reyni

er ég bara ég

 

og verð.

 

Sölvi Karlsson

 

NÁTTÚRA

Hér í Reykjavík

í New York

London

París

var einu sinni náttúra

 

en ekki lengur.

 

Sölvi Karlsson

 

 

HNOÐRAR

Á sumrin eru græn tún

þakin litlum skýjahnoðrum

 

sem jarma.

 

Bryndís Helgadóttir

 

BLÁTT GRAS

Af hverju er himinninn blár?

Af hverju er grasið grænt?

Himinninn er blár af því að grasið er grænt.

Grasið er grænt af því að himinninn er blár.

En væri ekki gaman

ef himinninn væri grænn

og grasið blátt

allavega einn dag?

 

Íris Ósk Sigþórsdóttir